E estivemos ben acompañado, polo editor,
Xosé Manuel Soutullo e Gonzalo Navaza, autor do limiar. Beizón.
Agradecido a tantos amigos e amigas que nos
acompañaron e en especial aos que aguantaron de pé.
Para os que queiran saber que é o
Avieiro ou de que vai o libro, e teñan tempo, déixovos o enlace https://youtu.be/7IPRvWqb10s
Foi no Cuco, na Paradela de Gondomar.
.jpg)
O próximo martes
21 de abril, ás 19:00h no Museo de
Arte Contemporáneo de Vigo (MARCO) na rúa do Príncipe terá lugar a
presentación do libro do amigo artista Fernando
Casás no que participara tamén o noso amigo Xosé María Álvarez Cáccamo.
É un conxunto de 50 poemas de sustentados nunha obra
do artista Código Cupim, composta
por unha serie de placas de madeira resultado dun longo proceso de matinación e
elaboración entre 1965 e 1987.
Déixovos o programa do acto por si é do voso interese.
Esta mañá achegámonos á casa do
concello do Carballiño para informar á prensa da presentación publica de Polo Avieiro de don Emilia. Será no
casino do Carballiño o próximo xoves 16 de abril, día de feira, ás 20h. e
estaremos magnificamente acompañados por Xosé Manuel Soutullo, director da
editorial Galaxia; Gonzalo Navaza, autor do limiar e o carballiñés de nación
Felipe-Senén López ademais do alcalde Paco Fumega.
Tirounos a foto, xunto a Diego Fernández,
concelleiro de Cultura, o amigo Felipe Gallego.
Déixovos dous enlaces coa nova. Na da Cope, pódese escoitar unha breve entrevista.
Por se vos presta. Graciñas.
O venres dez de abril, ás 20h.
na Aula de Cultura Ponte de Rosas do Instituto de Estudos Miñoráns (Avda. da
Feira 10 baixo, Gondomar)os poetas Xosé
Mª Álvarez Cáccamo e Xavier
Rodríguez Baixeras conversarán co profesor Gonzalo Navaza sobre as súas antoloxías poéticas bilingües, publicadas pola
editorial Dilema: Memoria.
Poesía selecta 1981-2023, de Baixeras e Catro
décadas. Poesía 1983-2023 de Cáccamo que, ao tempo recitarán algúns textos.
