Logo dun intenso mes de novembro rematan, en Nigrán, as xornadas que o
Concello organizou para revisar as relacións deste coa Editorial Galaxia da que
celebramos o 75 aniversario da súa fundación, neste ano 2025.
Nesta derradeira palestra será Xosé Manuel
Soutullo , vigués do Calvario (1956) que desenvolveu toda a súa
profesión de editor nesta empresa na que comezou hai máis de corenta anos,
sendo moi novo. Nela foco todo tipo de labores, dende o almacén e a
distribución, traballos de corrección, diagramación, coordinación da pre
impresión, organización de exposicións, secretariado da revista Grial,
dirección da Fundación Penzol, sendo promovido á dirección xeral polo Consello
de Administración, para darlle a remuda ao anterior director.
Se alguén coñece o papel de Carlos Casares en Editorial Galaxia é
Soutullo, porque durante os anos do escritor ourensán na dirección desta
editora, tivo en Xosé Manuel ao máis próximo e leal colaborador. Polo que sen
dúbida vai ser este un peche de interese para sabermos máis dos pormenores
desta empresa de tan longa como exemplarizante traxectoria.
Este venres, día 28 de novembro, ás 19.30h nos Cines Municipais da
Ramallosa, en Nigrán, no Centro Comercial.
Ningún comentario:
Publicar un comentario